धरान :सुनसरीको धरानबाट खसी चोरेर टेम्पोमा लैजाँदै गरेको अबस्थामा ४ जनालाई प्रहरीले पक्राउ गरेको छ ।
उनीहरुलाई इलाका प्रहरी कार्यालय धरानले शनिबार धरान २० स्थित वीपी पार्क नजिक चेक पोइन्टमा पक्राउ गरेको हो ।

पक्राउ पर्नेहरु मोरङ बेलबारी नगरपालिका ११ का १९ बर्षीय रोशन पराजुली, सुन्दर हरैचा नगरपालिका ७ का २९ बर्षीय डम्बर बहादुर मगर, इलाम माईजोगमाई गाउँपालिका ९ का २० बर्षीय विशाल गुरुङ र ताप्लेजुङ वाखो खोपातालका ३२ बर्षी विवेक तामाङ रहेका छन् ।

प्रहरीका अनुसार धरान १३ का आशबहादुर गुरुङको १७/१७ केजी तौल २ वटा खसीहरु चरनमा रहेको अवस्थामा चोरी गरेर टेम्पोमा हालेर लगेको सुचना आएको थियो । सुचना पाए लगत्तै प्रहरीले वीपी पार्क नजिक चेकपोन्ट खडा गरेर चेकजाँच गर्दा टेम्पोमा लुकाएको कालो र सेतो रंगका २ वटा खसीहरु वरामद भएको धरान प्रहरीले जनाएको छ ।

उनीहरुलाई आइतबार चोरी मुद्दामा जिल्ला अदालत सुनसरीबाट म्याद थप गरी अनुसन्धान भईरहेको प्रहरीले जनाएको छ ।