विराटनगर: मोरङको विराटनगरस्थित दरैयाबस्ती हुँदै भारततर्फ लैजान लागेको सुनसहित एक जनालाई सशस्त्र प्रहरीले पक्राउ गरेको छ ।
पक्राउ पर्नेमा विराटनगर महानगरपालिका–१७ का ५६ वर्षीय श्यामलसेन गुप्ता रहेका छन् ।
गुप्तालाई सशस्त्र प्रहरी बलको बिओपी बखरीको टोलीले दुई सय ६७ ग्राम सुनको चक्कीसहित पक्राउ गरेको हो ।
सशस्त्र प्रहरी मोरङका प्रमुख एसपी तीर्थ पौडेलले लकडाउनको समयमा भारततर्फ जान लागेको पाइएपछि शंका लागेर चेकजाँच गर्दा अवैध करिब २३ लाख बराबरको सुन, पाँच हजार नेपाली रुपैयाँ, साइकल र मोबाइल बरामद गरिएको जानकारी दिए ।
पक्राउ परेका व्यक्तिमाथि थप अनुसन्धान भइरहेको बताउँदै उनले आवश्यक कारबाहीका लागि आइतबार विराटनगर भन्सार कार्यालयमा बुझाइने जानकारी दिए ।
_1720278409.jpg)
