सुन्दरहरैंचामा किरियापुत्री बसेकाहरु माथि आक्रमण, घटनामा संलग्नहरु फरार, गाउँबासीमा त्रास

  • श्रावण २८, २०७७
  • १३०९९ पटक पढिएको
  • प्रदेश पोर्टल
alt

सुन्दरहरैंचाः मोरङको सुन्दरहरैंचा नगरपालिका वडा नम्बर–५ लाटिझोडामा किरियापुत्री बसेकाहरुमाथि आक्रमण भएको छ । स्थानीय ६ जना युवाहरुको समूहले किरियापुत्री बसेकै घरमा पुगेर कुटपिट गरेका हुन् । श्रावण २५ गते रातिको समयमा किरियापुत्री रुग्ने निहु गरि मदिरा सेवान गरेर तास खेल्न पुगेका स्थानीय ६ जना युवाको समूहले राति १२ बजे तिर किरियापुत्री बसिरहेकी खड्गकुमार अधिकारी र टेकनाथ अधिकारीमाथि आक्रमण गरेका हुन् । मरिमराउ भएको घरमा आएका भाञ्जा पर्ने इटहरीका सुरज आचार्यलाई कुटपिट गरिरहेको देखेपछि कुटपिट नगर्न भन्दै गर्दा क्रियापूत्री बसेका खड्गकुमारी र टेकनाथ माथि नै आक्रमण गरेको पाइएको छ । राति साढे १२ बजेतिर किरियापुत्री रुंग्न आएका अन्य छिमेकीहरु फर्किसकेको अवस्थामा सुरुमा भाञ्जा साइनो पर्ने सुरज आचार्यलाई कुनै कारण विना नै एक्कासी आक्रमण गरेको र केही बेरमा थाहा पाएर रोक्न खोज्दा क्रियापूत्री बसेकाहरु माथि नै दाउरा तथा कुर्सीले आक्रमण गरेको प्रत्यक्षदर्शी लक्ष्मीप्रसाद सुवेदीले बताए । भान्जा साइने पर्ने सुरज आचार्यले बाटोमा राखेको मोटरसाइकल थन्क्याउन लाग्दा ती युवाहरुले इटहरीबाट लुट्न आएको भन्दै सुरज लगायतलाई आक्रमण गरेको पीडित खड्गकुमारी अधिकारीले बताइन् ।
कुटपिटबाट घाइते भएका सुरज आचार्यको हाल विराटनगरस्थित अस्पतालमा उपचार भइरहेको छ । यस्तै कुटपिट बाट खड्गकुमारीको आँखाको डिलमा चोट लागेको छ भने टेकनाथको टाउकोमा चोट लागेको छ । कुटपिटमा संलग्नहरु स्थानीय रामबहादुर तामाङ, दोर्जे मगर, विशाल राई, दिपेन राई, भाइसन तामाङ, विशाल शाक्य लगायत ६ जना रहेको पीडित टेकनाथले बताए। उनीहरुले कुटपिट गरेपछि समेत आफुलाई मार्ने भन्दै धम्की दिएर हिंडेको उनको भनाइ छ । पीडित परिवारले आफुहरुले गछिया प्रहरी चौकीमा उजूरी दिएको भन्दै दोषीलाई कडा भन्दा कडा कारवाही गर्न माग गरेका छन् । यता इलाका प्रहरी कार्यालय बेलवारीका प्रहरी निरीक्षक ऋषिराज ढकालले कुटपिटमा संलग्नहरुको खोजी भइरहेको जानकारी दिए। उनले क्रियापुत्री बसेकाहरु माथि आक्रमण हुनु निन्दनिय रहेको भन्दै दोषिलाई पक्राउ गरि कानुन बमोजिम कारवाही गरिने बताए ।

117337178_3016876535090562_2733591921140881541_n
दोषिलाई कडा कारवाही गर्न जनप्रतिनिधिहरुको माग
सुन्दरहरैंचा नगरपालिका वडा नम्बर ५ का वडाध्यक्ष रामप्रसाद रिजालले कोरामा बसेको अवस्थामा कोही कसैलाई छुन नहुने हिन्दु संस्कार रहेको जान्दा जान्दै छुन समेत नहुने अवस्थामा किरियापुत्रीमाथि आक्रमण हुनु निकै निन्दनिय घटना भएको बताउँदै दोषीलाई कडा भन्दा कडा कारवाही गर्न माग गरे। कुटपिटबाट घाइते भएकी खड्गकुमारीका दाजू समेत रहेका सुन्दरहरैंचा नगरपालिका वडा नम्बर ८ का वडाध्यक्ष खेमप्रसाद न्यौपानेले मरिमराउ परेको अवस्थामा छरछिमेकीले सहयोग गर्ने तथा समावेदना दिनुपर्नेमा उल्टै आक्रमण गर्नु निन्दनिय कार्य भएको बताउँदै दोषिलाई चाँडो भन्दा चाँडो कानुनी कारवाहीको दायरमा ल्याउन माग गरे ।
यस्तै सुन्दरहरैंचा नगरपालिका वडा नम्बर ५ का वडासदस्य गणेश चौधरीले पनि घटना दुःखद् रहेको भन्दै दोषिलाई कडा कारवाही हुनुपर्ने माग गरे ।
पीडकहरु अपराधिक पृष्ठभूमीका भएको स्थानीयको भनाइ
स्थानीयबासीले कुटपिटमा संलग्नहरु यसअघि पनि विभिन्न अपराधिक घटनमा संलग्नहरु रहेको बताएका छन् । यसअघि पनि समय समयमा विभिन्न कुटपिटका घटनामा संलग्न हुने गरेकाले गाउँबासीहरु नै उनीहरुको त्रासमा रहेको स्थानीय हिरालाल श्रेष्ठले गुनासो गरे। प्रहरी प्रशासनले समेत लैजाँदै छोड्ने गरेको भन्दै उनले ती युवाहरुको समूहले कुन बेला कसलाई आक्रमण गर्ने हुन् भन्ने त्रास रहेको गुनासो गरे । यस्तै पीडित टेकनाथ अधिकारीले समेत ती युवाहरुले आफुलाई मार्ने भन्दै धम्की दिएर हिंडेको बताए । यता इलाका प्रहरी कार्यालय बेलबारीका प्रहरी निरीक्षक ऋषिराज ढकालले भने कार्यालयको मुद्दा फाँटका कर्मचारीलाई कोरोना संक्रमण देखिएकाले मुद्दा फाँट नै बन्द भएकाले उनीहरुको विषयमा थप जानकारी दिन नसकिएको बताए। उनले चाँडै यस विषयमा अनुसन्धान गर्ने जानकारी दिए । सुन्दरहरैंचा ५ लाटिझोडाका स्थानीय समाजसेवी श्रीलाल अधिकारीको गत श्रावण २१ गते निधन भएपछि कोरामा बसिरहेका उनका कान्छा छोरा र माहिली बुहरीमाथि सातौं दिन राति कुटपिट भएको हो ।

117315826_1765097670296249_5617818855718030440_n 117580258_752063632261424_942578914857305153_n

प्रतिक्रिया दिनुहोस

प्रदेश १ मा आज १६६ जना संक्रमित थपिए

 इटहरीः पछिल्लो २४ घण्टामा प्रदेश १ मा एक सय ६६ जनामा कोरोनामा संक्रमण देखिएको छ । प्रदेश १ को ...

डा गोविन्द केसीको अनसनमा प्रहरीको हस्तक्षेप,बलपूर्वक पुर्याइयो ट्रमा सेन्टर

इटहरीः चिकित्सा शिक्षा सुधारको माग गर्दै आफ्नो १९ औं सत्याग्रहका क्रममा गत भदौ २९ गतेदेखि जुम्लाको च ...

महेन्द्र मोरङ क्याम्पसका क्याम्पस प्रमुखलाई कोरोना,क्याम्पस सील-

 इटहरीः मोरङको विराटनगरस्थित महेन्द्र मोरङ आदर्श बहुमुखी क्याम्पसका प्रमुख डा बाबुराम तिमल्सिना ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved