धरानः धरान उपमहानगर वडा नम्बर १३ जिरोपोइन्टका जनकुमार राईको शब वराहक्षेत्र नगरपालिकाको वार्ड नम्बर २ पटनाली खोलामा भेटिएको छ ।

कालो रंगको टि–सर्ट र एडिडास ब्रान्डको आकाशे खैरो रंगको हाफ पेन्ट र रातो रंगको चप्पल लगाएको उनको शव आजविहान ५ बजे भेटिएको इलाका प्रहरी कार्यालय महेन्द्रनगरका इन्स्पेक्टर पाण्डव राजवंशीले जानकारी दिए ।

लाशसँगै खोलाको पुलमाथि को ३६ प ४०२३ नम्बर भएको सुजुकी कम्पनीको रातो रंगको स्कुटी समेत वेवारिसे अवस्थामा भेटिएको थियो । उनी मानसिक रुपमा अस्वास्थ्य रहेको पाइएको प्रहरीले जनाएको छ । उनी पुलबाट हामफालेको हुन सक्ने प्रहरीले अनुमान गरेको छ । शव पोस्टमार्टमको लागि धरानस्थित विपि कोइराला स्वास्थ्य विज्ञान प्रतिष्ठान पठाइएको प्रहरी निरिक्षक राजवंशीले जानकारी दिए ।